Президенти Тоҷикистон: Шумораи корхонаҳои саноатӣ дар Суғд дар солҳои соҳибистиқлолӣ 11 баробар афзоиш ёфт

Ба иттилои АМИТ «Ховар», Президенти Ҷумҳурии Тоҷикистон имрӯз дар шаҳри Хуҷанд бо роҳбарону фаъолони вилояти Суғд ба ифтихори 35-солагии Истиқлоли давлатии Ҷумҳурии Тоҷикистон мулоқот анҷом дод.

Эмомалӣ Раҳмон гуфт, ки маҷмуи маҳсулоти вилояти Суғд дар соли 2025 49 миллиард сомониро ташкил кард ва ин саҳми назарраси вилоят дар таҳкими иқтидори иқтисодии кишвар мебошад.

Вай ҳамчунин таъкид кард, ки дар солҳои соҳибистиқлолӣ ташкилотҳои қарзӣ ба соҳибкорон ва аҳолии вилоят беш аз 70 миллиард сомонӣ қарз пешниҳод намудаанд, ки барои рушди саноат, кишоварзӣ ва сайёҳӣ шароити мусоид фароҳам овардааст.