Дар Душанбе ҷаласаи Комиссияи ҷумҳуриявии озмунҳо баргузор гардид

11 сентябри 2026 дар Вазорати маориф ва илми Ҷумҳурии Тоҷикистон ҷаласаи ситоди кории Комиссияи ҷумҳуриявии озмунҳои «Илм-фурӯғи маърифат» ва «Шоҳномахонӣ» баргузор гардид. Дар ин бора ба АМИТ «Ховар» аз ҳамин вазорат иттилоъ доданд.

Дилрабо Мансурӣ, муовини Сарвазири Ҷумҳурии Тоҷикистон ва раиси Комиссияи ҷумҳуриявии озмунҳо, гуфт, ки озмунҳои ҷумҳуриявии «Илм-фурӯғи маърифат» ва «Шоҳномахонӣ» бо таваҷҷуҳ ва дастгирии пайвастаи Президенти Ҷумҳурии Тоҷикистон муҳтарам Эмомалӣ Раҳмон барои рушди соҳаи маориф, илм, маърифатнокии ҷомеа, худшиносии миллӣ ва дарёфти истеъдодҳои ҷавон баргузор мегарданд.