Ҳайати Тоҷикистон дар ҷаласаи Шурои роҳбарони мақомоти муҳоҷиратии кишварҳои узви ИДМ иштирок намуд

Ба иттилои АМИТ «Ховар» аз 25.09.2026, 24 сентябри 2026 дар шаҳри Санкт-Петербург ҷаласаи ҷашнии 30-юми Шурои роҳбарони мақомоти муҳоҷиратии кишварҳои узви Иттиҳоди Давлатҳои Мустақил баргузор гардид. Аз Тоҷикистон муовини Вазири меҳнат, муҳоҷират ва шуғли аҳолии Ҷумҳурии Тоҷикистон Шариф Норзода ва роҳбари Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия оид ба муҳоҷират Дилрабо Азимӣ иштирок намуданд.

Дар ҷаласа намояндагони мақомоти давлатии Россия, Озарбойҷон, Арманистон, Беларус, Қазоқистон, Қирғизистон, Тоҷикистон, Туркманистон ва Узбекистон ширкат карданд. Вазъи муҳоҷиратӣ дар доираи ИДМ, тағйирот дар қонунгузории миллӣ ва истифодаи технологияҳои муосири иттилоотӣ барои амният ва назорати равандҳои муҳоҷират, аз ҷумла муайянкунии биометрии шахсият бо истифода аз технологияҳои зеҳни сунъӣ дар низомҳои назорати видеоӣ, баррасӣ шуд.