Маҷмуи маҳсулоти дохилии ВМКБ дар 9 моҳ ба 1.5 миллиард сомонӣ расид

Ба иттилои мақомоти иҷроияи ҳокимияти давлатии вилоят, ҳаҷми содирот дар муқоиса бо ҳамин давраи соли 2025 11.6 фоиз зиёд шудааст. Ҳаҷми хизматрасониҳои пулакӣ дар шаҳру ноҳияҳои вилоят 161.4 миллион сомониро ташкил дода, нисбат ба ҳамин давраи соли 2025 21.3 фоиз афзоиш ёфтааст.

Дар хабар гуфта мешавад, ки афзоиши ҳаҷми истеҳсол нишон медиҳад сиёсати давлат дар самти густариши занҷири арзиши иловашуда тавассути баланд бардоштани сатҳи коркарди ашёи хоми маҳаллӣ то маҳсулоти ниҳоӣ дуруст интихоб ва амалӣ мешавад. Инчунин, дар 35 соли истиқлолияти давлатии Тоҷикистон вилоят ба марҳалаи нави рушди иқтисодию иҷтимоӣ ворид шуда, дар саноат, энергетика, кишоварзӣ, роҳу нақлиёт, соҳибкорӣ, сохтмон, маориф, тандурустӣ, фарҳанг ва сайёҳӣ дастовардҳои назаррас доштааст.