Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид

Дар Душанбе ҷаласаи корӣ баргузор шуд, ки дар он ҷараёни татбиқи чорабиниҳои «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид. Ҷаласа таҳти раёсати муовини Сарвазири Ҷумҳурии Тоҷикистон Сулаймон Зиёзода доир шуд.

Дар хабар гуфта мешавад, ки сабзазоркунӣ яке аз самтҳои муҳими ҳифзи муҳити зист мебошад ва дар беҳтар шудани вазъи экологӣ, коҳиш додани таъсири омилҳои номусоиди иқлимӣ, ҳифзи захираҳои табиӣ ва фароҳам овардани муҳити мусоиди зиндагӣ нақши муҳим дорад.