Чораҳои муҳим барои пешгирӣ, ошкорсозӣ ва вокуниш ба таҳдидҳои марбут ба маводи кимиёвӣ, биологӣ, радиатсионӣ ва ядроӣ андешида мешавад

Дар Маркази минтақавии таълимӣ ва омӯзишӣ дар соҳаи амнияти кимиёвӣ, биологӣ, радиатсионӣ, ядроӣ ва муқовимат ба терроризм бо истифода аз силоҳи қатли ом синфхонаи нави муосири таълимӣ барои омода ва такмили ихтисоси кормандони мақомоти ҳифзи ҳуқуқ ва сохторҳои низомӣ ифтитоҳ гардид.

Зимни шиносоӣ бо имкониятҳои синфхонаи нав таъкид гардид, ки он барои баланд бардоштани сатҳи дониш, малакаҳои амалӣ ва омодагии касбии кормандони мақомоти ҳифзи ҳуқуқ ва сохторҳои низомӣ дар самти пешгирӣ, ошкорсозӣ ва вокуниш ба таҳдидҳои марбут ба маводи кимиёвӣ, биологӣ, радиатсионӣ ва ядроӣ, инчунин муқовимат ба терроризм бо истифода аз силоҳи қатли ом пешбинӣ шудааст.