Донишгоҳи байналмилалии сайёҳӣ ва соҳибкории Тоҷикистон дар рейтинги GreenMetric 2026 ба натиҷаи бесобиқа ноил гардид

ДУШАНБЕ, 2026-10-02 /АМИТ «Ховар»/. Донишгоҳи байналмилалии сайёҳӣ ва соҳибкории Тоҷикистон бо таваҷҷуҳ ба рушди устувор дар рейтинги ҷаҳонии донишгоҳҳои устувор UI GreenMetric World University Rankings 2026 ба натиҷаи бесобиқа ноил гардид. Тибқи натиҷаҳои соли 2026, донишгоҳ миёни 2016 муассисаи таҳсилоти олӣ аз 110 кишвари ҷаҳон ҷойи 450-умро соҳиб шуд ва мисли соли 2025 дар Тоҷикистон мақоми якумро нигоҳ дошт. Дар муқоиса бо ҷойи 810-ум дар соли 2025, донишгоҳ дар як сол 360 зина боло рафт. Донишгоҳ дар ҳафт самти асосӣ 7187.5 хол гирифт. Натиҷаҳо махсусан дар илм ва таҳқиқот, нақлиёти устувор ва идоракунӣ ва рақамикунонӣ назаррасанд. Дар соли 2026 инчунин неругоҳи офтобии 150 кВт ба истифода дода шуд ва тадбирҳо дар самтҳои сарфаи энергия, ҷудокунии партовҳо, истифодаи самараноки об ва рақамикунонии равандҳо идома доранд.