Дар ноҳияи Рӯдакӣ барои кӯдакону наврасони ятим ҳамоиши идона баргузор шуд

РӮДАКӢ, 2026-09-20 /АМИТ «Ховар»/. Ба муносибати 35-солагии Истиқлоли давлатии Ҷумҳурии Тоҷикистон дар ноҳияи Рӯдакӣ барои кӯдакони ятим чорабинии идона баргузор гардид. Тавре аз мақомоти иҷроияи ҳокимияти давлатии ноҳияи Рӯдакӣ хабар доданд, ин иқдом дар доираи сиёсати инсондӯстона ва ятимпарваронаи Эмомалӣ Раҳмон сурат гирифт.

Дар ҳамоиш барои 70 нафар кӯдакони ятим дастурхони идона ороста шуда, ба ҳар яки онҳо 1000 сомонӣ, туҳфаҳои хотиравӣ ва лавозимоти хониш тақдим гардид. Мақомоти ноҳия гуфтанд, ки ғамхорӣ ба ятимону бепарасторон ва фароҳам овардани шароити мусоид барои таълиму тарбияи онҳо аз самтҳои муҳими сиёсати иҷтимоии давлат мебошад.