Табрикоти Раиси Маҷлиси миллӣ ва шаҳрдори Душанбе муҳтарам Рустами Эмомалӣ ба муносибати Рӯзи омӯзгорон

Рустами Эмомалӣ дар паёмаш омӯзгорро дар фарҳанги миллӣ дорои мақоми баланд номида, ӯро чароғи маърифат, пайвандгари наслҳо ва раҳнамои роҳи дониш унвон кард. Вай таъкид намуд, ки маҳз бо заҳмати содиқонаи омӯзгор насли наврас соҳиби дониш, ҷаҳонбинии созанда ва эҳсоси масъулият дар назди ҷомеа ва Ватан мегардад.

Дар паём инчунин ба таваҷҷуҳи пайвастаи Президенти Ҷумҳурии Тоҷикистон Эмомалӣ Раҳмон ба рушди соҳаи маориф ҳамчун яке аз самтҳои меҳварии сиёсати давлатӣ ишора шуда, аз тадбирҳо барои таҳкими заминаҳои моддиву техникӣ, баланд бардоштани сифати таълиму тарбия ва мутобиқсозии низоми таҳсилот ба талаботи ҷомеа ва бозори меҳнат ёд шудааст.