Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд

Тибқи иттилои АМИТ «Ховар», 26 октябри 2026 дар шаҳри Конибодом бо иштироки муовини Сарвазири Ҷумҳурии Тоҷикистон Сулаймон Зиёзода ҷаласаи васеи корӣ баргузор шуд. Дар ҷаласа масъалаи суръатбахшии ҷамъоварии бехатари ҳосили пахта ва истифодаи самараноки имкониятҳои соҳаи кишоварзӣ баррасӣ гардид.

Сулаймон Зиёзода таъкид кард, ки иҷрои саривақтии нақшаҳои пешбинишудаи маҳсулоти кишоварзӣ, истифодаи самараноки имкониятҳои мавҷуда ва иҷрои супоришҳои Ҳукумати Ҷумҳурии Тоҷикистон, аз ҷумла дар мавриди пахта, ки ашёи стратегӣ маҳсуб мешавад, аз масъалаҳои муҳим аст. Ҳамчунин зикр шуд, ки барои беталаф ҷамъ овардани ҳосил бояд тамоми қувваи корӣ ба корҳои саҳроӣ ҷалб гардад.

Дар ҷамъбасти ҷаласа раиси шаҳри Конибодом Даврон Зоҳидзода кишоварзонро ба саҳми дастҷамъона барои иҷрои пурраи нақшаи пахтасупории шаҳр ва ҷамъбасти муваффақонаи соли 2026 даъват намуд.