Намояндаи Тоҷикистон раиси Мақомоти ёрирасон оид ба татбиқи Конвенсияи СММ оид ба гуногунии биологӣ интихоб шуд

ДУШАНБЕ, 2026-10-30 /АМИТ «Ховар»/. Дар ҷаласаи 17-уми Конфронси тарафҳои Конвенсияи Созмони Милали Муттаҳид оид ба гуногунии биологӣ (CBD COP17), ки дар шаҳри Еревани Арманистон баргузор шуд, намояндаи Ҷумҳурии Тоҷикистон ба ҳайси раиси Мақомоти ёрирасон оид ба татбиқ (МЯБ) интихоб гардид. Дар ин бора АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.

Ин интихоб бори аввал дар таърихи Конвенсия сурат гирифт ва намояндаи як кишвари Осиёи Марказӣ — Тоҷикистон — ин вазифаро ба уҳда гирифт. Ба иттилои манбаъ, раиси МЯБ раванди арзёбии иҷрои Конвенсияро ҳамоҳанг мекунад, ба такмили механизмҳои гузоришдиҳӣ ва назорат мусоидат менамояд ва лоиҳаҳои қарорҳоро барои Конфронси тарафҳо омода месозад.