Ҳангоми зиёд шудани чангу ғубор барои ҳифзи саломатӣ тадбирҳои заруриро амалӣ намоед

Тибқи иттилои Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон, аз 2026-09-11 то 2026-09-13 дар ҷумҳурӣ зиёдшавии ҳолати ифлосшавии ҳавои атмосферӣ ба амал меояд.

Дар ин рӯзҳо дар шаҳру ноҳияҳои вилояти Хатлон, ноҳияҳои тобеи ҷумҳурӣ ва шаҳри Душанбе бо сабаби омилҳои метеорологӣ аз самти минтақаҳои ҷанубу ғарбӣ ва ҷанубу шарқӣ ба мамлакат хокбориш ворид мегардад.

Дар хабар гуфта мешавад, ки чангу ғубор ҳангоми зиёд шудан метавонад ба саломатии инсон, бахусус ҳангоми нафаскашӣ, таъсири манфӣ расонад ва боиси сулфа, озори гулӯ, душвории нафаскашӣ ва шиддат гирифтани баъзе бемориҳои роҳи нафас гардад.