Маркази илмии ҷумҳуриявии онкологияи Тоҷикистон ва Беморхонаи якуми Гуанчжоу ёддошти ҳамкорӣ имзо карданд

Ба иттилои «Ховар» дар Душанбе, ёддошти ҳамкории илмию амалиро Маркази илмии ҷумҳуриявии онкологияи Ҷумҳурии Тоҷикистон ва Беморхонаи якуми Донишгоҳи тиббии Гуанчжоу имзо карданд.

Санад рушди фаъолияти муштараки илмӣ-таҳқиқотӣ, ташкили омӯзиши баъдидипломӣ ва баланд бардоштани ихтисоси мутахассисон, гузаронидани мастер-классҳо ва табодули таҷрибаи касбиро пешбинӣ мекунад.