Эмомалӣ Раҳмон дар шаҳри Ваҳдат 16 иншооти таъиноти гуногунро ба истифода доданд

24 октябри 2026 Президенти Ҷумҳурии Тоҷикистон, Пешвои миллат Эмомалӣ Раҳмон дар шаҳри Ваҳдат ба таври фосилавӣ 16 иншооти таъиноти гуногунро ба истифода доданд.

Дар байни онҳо корхонаи истеҳсоли шиша, коргоҳи дӯзандагӣ ва корхонаи истеҳсоли ҳасиб дар деҳаи Зарнисори деҳоти ба номи Раҷаб Исмоилов мавриди истифода қарор гирифтанд. Дар соҳаи маориф 5 бинои иловагӣ дар муассисаҳои таълимӣ ва як муассисаи таҳсилоти томактабии хусусӣ барои 210 кӯдак ба истифода дода шуд. Ҳамзамон, маркази саломатии тиббии сутунмуҳра бо 30 кат ва маркази нави саломатӣ дар ҳудуди шаҳр ба фаъолият оғоз карданд.

Инчунин майдончаҳои варзишӣ, ҳаммоми замонавӣ ва чанд майдончаи футбол дар деҳаҳои гуногуни шаҳри Ваҳдат ифтитоҳ гардиданд. Як маркази савдою хизматрасонӣ бо коргоҳи дӯзандагӣ низ ба истифода дода шуд. Тибқи иттилоъ, дар доираи корҳои ободонӣ ва ҷашни 35-солагии Истиқлоли давлатӣ дар шаҳр садҳо иншоот бунёд шудаанд.