ҶомеаМанбаи тоҷикӣСафар ё мулоқоти расмӣ
Дар Кӯлоб барои тарбиятгирандагони мактаб-интернати № 1 хобгоҳи нави замонавӣ ифтитоҳ гардид
Санаи нашр:
Нусхаҳои форсӣ, тоҷикӣ, русӣ ва англисӣ ҳамзамон дастрасанд.
Дар 05.10.2026, дар доираи сафари кории Президенти Ҷумҳурии Тоҷикистон Эмомалӣ Раҳмон ба шаҳру ноҳияҳои вилояти Хатлон, дар шаҳри Кӯлоб якчанд иншооти соҳаи маориф аз роҳ дур ба истифода дода шуданд; яке аз онҳо бинои замонавии хобгоҳи мактаб-интернати № 1 барои кӯдакони ятим дар деҳаи Лағмон аст.
Ба иттилои «Ховар», хобгоҳи нав бо маҷмӯи иншооти инфрасохтории иҷтимоӣ ва варзишӣ барои беҳтар кардани шароити зист, таҳсил, истироҳат ва рушди ҷисмонии тарбиятгирандагон бунёд шудааст. Бино аз 14 ҳуҷраи хоб, 160 кат, 2 толори васеъ барои бозӣ ва машғулиятҳои инкишофдиҳанда, 5 утоқи корӣ ва бахшҳои ёрирасон иборат буда, бо низоми эҳтиётии барқ дар асоси неруи офтобӣ таъмин шудааст.
Ҳамчунин барои таъмини муассиса бо об чоҳи амудии дорои чуқурии зиёда аз 100 метр омода карда шуд ва тавассути он мактаб-интернат бо манбаи доимии об таъмин гардид. Дар назди муассиса хоҷагии ёрирасон мавҷуд аст, ки дар он зиёда аз 670 бех дарахти мевадиҳанда шинонида шудааст. Дар мактаб-интернати ёрирасони № 1 шаҳри Кӯлоб тақрибан 150 тарбиятгиранда шабонарӯзӣ нигоҳубин ва таҳсил мекунанд.
Манбаъ: АМИТ «Ховар»
Манбаъ: АМИТ «Ховар»
Манбаъ: Президенти Ҷумҳурии Тоҷикистон
Манбаъ: АМИТ «Ховар»