Дар Душанбе нахустин Форуми табибон таҳти унвони «Хатти аввал: Форуми табибони амалияи умумӣ» баргузор шуд

Тибқи иттилои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, форум 29 октябри 2026 дар шаҳри Душанбе баргузор гардид ва мутахассисони дохиливу хориҷӣ дар он иштирок карданд.

Шаҳло Ашуриён, сардори Раёсати таҳсилоти тиббию фарматсевтӣ, сиёсати кадрҳо ва илми вазорат, гуфт, ки самаранокии низоми тандурустӣ пеш аз ҳама ба сифати кумаки аввалияи тиббию санитарӣ вобаста аст ва ошкорсозии барвақти бемориҳо ва оғози саривақтии табобат барои пешгирии оризаҳо муҳим мебошад.

Иштирокдорон доир ба ошкорсозии барвақти нишонаҳои ихтилолҳои доираи аутизм, арзёбии рушди кӯдак, ташхис ва пешбурди диабети навъи 2, норасоии масуният, сабабҳои зуд-зуд бемор шудани кӯдакон, зуҳуроти пӯстӣ ҳангоми бемориҳои сироятӣ ва масъалаҳои аллергология мубодилаи афкор намуданд.