Эмомалӣ Раҳмон дар Душанбе корхонаи дару тирезаҳои алюминӣ ва пластикии «Тамдид»-ро ифтитоҳ карданд

Ба иттилои «Ховар», корхона бо мақсади рушди истеҳсолоти ватанӣ, афзоиши иқтидори саноатӣ, таъмини бозори дохилӣ бо маҳсулоти босифат ва таъсиси ҷойҳои корӣ бунёд шудааст. Таҷҳизоти муосир барои истеҳсол ва васлу насби маҳсулот аз Италия, Туркия ва Ҷумҳурии Мардумии Чин ворид гардидааст.

Корхона дорои чор хатти худкори истеҳсолӣ буда, иқтидори он дар як баст то 100 маҳсулотро ташкил медиҳад. Бо мавриди истифода қарор гирифтани он 35 ҷойи кори доимӣ таъсис меёбад. Дар марҳилаи дуюми лоиҳа низ коргоҳи коркарди шиша бо иқтидори солонаи 36 ҳазор дона ва 100 ҷойи кории иловагӣ пешбинӣ шудааст.