ИқтисодМанбаи тоҷикӣ
Баррасии густариши робитаҳои мустақими соҳибкорӣ байни Тоҷикистон ва Эрон
23 сентябри 2026 дар Душанбе намояндагони Кумитаи давлатии сармоягузорӣ ва идораи амволи давлатии Тоҷикистон ва Вазорати саноат, маъдан ва тиҷорати Ҷумҳурии Исломии Эрон мулоқот карданд. Дар вохӯрӣ имконоти сармоягузорӣ, самтҳои афзалиятноки ҳамкорӣ ва лоиҳаҳои муштарак баррасӣ шуд.
23 сентябри 2026 дар шаҳри Душанбе вохӯрии роҳбарияти Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо роҳбарияти Вазорати саноат, маъдан ва тиҷорати Ҷумҳурии Исломии Эрон баргузор гардид.
Тавре АМИТ «Ховар» бо истинод ба Кумитаи давлатии сармоягузорӣ ва идораи амволи давлатӣ хабар медиҳад, дар вохӯрӣ имконоти сармоягузории Тоҷикистон муаррифӣ гардид. Ҷонибҳо самтҳои афзалиятноки ҳамкорӣ, ҷалби сармоя ва имконияти татбиқи лоиҳаҳои муштараки сармоягузориро баррасӣ намуданд.
Таваҷҷуҳи махсус ба густариши робитаҳои мустақими соҳибкорӣ, истифодаи имконоти мавҷуда ва ба роҳ мондани ташаббусҳои муштарак равона гардид. Мусоҳибон барои идомаи муколама ва тақвияти ҳамкории мутақобили судманд дар самти сармоягузорӣ изҳори омодагӣ намуданд.
Манбаъ: Канали расмии АМИТ «Ховар»
Манбаъ: АМИТ «Ховар»
Манбаъ: АМИТ «Ховар»
Манбаъ: Канали расмии Сафорати Ҷумҳурии Исломии Эрон дар Тоҷикистон