Кишварҳои ИДМ низоми назорати сифати хизматрасониҳои тиббӣ ва донории хунро такмил медиҳанд

Ба иттилои «Ховар», ҷаласа 15 October 2026 дар шаҳри Санкт-Петербург баргузор гардид. Тоҷикистонро дар он Мунира Каримзода, узви Маҷлиси миллӣ ва раиси Кумитаи масъалаҳои иҷтимоӣ, тандурустӣ, илм, маориф, фарҳанг ва сиёсати ҷавонону занон, инчунин Муҷибахон Ҷавҳарӣ, раиси Кумитаи Маҷлиси намояндагон оид ба масъалаҳои иҷтимоӣ, оила ва ҳифзи саломатӣ, намояндагӣ карданд.

Вакилони парлумон лоиҳаи қонуни намунавии «Дар бораи донории хун ва ҷузъҳои он»-ро баррасӣ ва тасдиқ намуданд. Ин санад принсипҳои асосии ташкили донорӣ, талабот ба бехатарии хун ва ҷузъҳои он, инчунин ҳуқуқҳои донорҳоро муқаррар мекунад ва фаъолияти хадамоти махсусгардонидашударо аз ҷамъоварӣ то ташхиси лабораторӣ, коркард, нигоҳдорӣ, интиқол ва истифодаи тиббӣ фаро мегирад.

Ҳамчунин лоиҳаи тавсияҳо оид ба маркетинги маҳсулоти хӯрокворӣ барои кӯдакон низ тасдиқ шуд. Дар матн таъкид мешавад, ки ин масъала барои ташаккули одатҳои ғизоии ноболиғон ва пешгирии вазни зиёдатӣ, фарбеҳӣ ва дигар мушкилоти саломатӣ муҳим аст.